8 Желтоқсан 13:12
Әнші Гүлмира Ізбасханова өтірік айтқаны үшін кешірім сұрады
Ерекше образымен көрермен жүрегіне жол тапқан әнші Гүлмира Ізбасханова «Мархабат» бағдарламасында алғаш рет жеке өмірі туралы айтып, халық арасындағы қауесетке нүкте қойды
.
Алматы, NEGE. Әншінің айтуынша, тұрмыс құрмаған көрінеді. Желіде жүктеген видеосы әзіл екенін түсіндірді.
“Осыны айтатын кез келіпті, сәті түсіпті. Біріншіден, халықтан кешірім сұраймын. Бәрі шынымен қатты қуанды. Бәрі мені күтіп жатқандай болып көрінді. Негізі арам ойым болған жоқ. Бұл сырғаны маған әпкем сыйлаған. Соны әзілдеп желіде жариялағанмын. Соны ары қарай алып кетіп, бәрі шын көріп қалыпты. Сосын не істерімді білмей қалдым. Кешірім сұрап, шындықты айтайын ба? Әлде үндемей-ақ қояйын ба деп ойланып қалдым. Бәрінен кешірім сұраймын. Бірақ халыққа риза болдым. Ниеттеріңізден айналдым, сол орындалып кетсе екен", – деді өнер иесі.
