Спорт
Анна Данилина Мексикадағы турнирдің ширек финалына шықты
Қазақстанның алғашқы ракеткасы Анна Данилина Гвадалахарадағы (Мексика) WTA 1000 сериялы турнирдің екінші айналымында жұптық санатта жеңіске жетті.
Алматы, NEGE. Қазақстандық теннисші Бразилия өкілі Беатрис Хаддад Майямен жұптасып, АҚШ спортшысы Дезире Кравчик және нидерландылық Деми Шюрсты 3:6, 7:5, 10:8 есебімен жеңді.
Қазақстан теннис федерациясының баспасөз қызметінің хабарлауынша, ширек финалда қазақстандық пен бразилиялық дуэт әлемнің үшінші жұбы атанған америкалық Кори Гауфф пен Джессика Пегулаға қарсы бақ сынайды.
Беатриспен бірге Анна 2022 жылғы Австралия ашық чемпионатының финалисті және Сиднейдегі WTA 500 турнирінің жеңімпазы болды.