1 Қаңтар 18:08
...
Анна Данилина Брисбен жарысының жартылай финалынан шет қалды
Қазақстанның жұптық сайыстағы бірінші ракеткасы, әлемдік рейтингте 22-орында тұрған Анна Данилина Аустралияда өтіп жатқан WTA 500 турнирінің жартылай финалына шыға алмады.
Алматы, NEGE. Турнирдің 2-ракеткалары ретінде тіркелген Анна Данилина мен ресейлік серіктесі Ирина Хромачева ширек финалда жапондық Сюко Аояма мен Эри Ходзумимен бақ сынады. Алайда қазақстандық-ресейлік жұп матчты 0:6, 4:6 есебімен жеңіліспен аяқтады.
Бір сағат 11 минутқа созылған тартысты кездесуде Анна Данилина мен Ирина Хромачева 1 эйспен бірге 2 брейк-пойнтты сәтті орындады. Ал жапондық дуэт 9 брейк-пойнттың алтауын мүлт жібермеді.
Сюко Аояма мен Эри Ходзуми финалға жолдама алу үшін ресейлік жұп Мирра Андреева мен Диана Шнайдермен кездеседі.
Еске салайық, бұған дейін Қазақстанның алғаш рет United Cup турнирінің жартылай финалына өткенін хабарлаған едік.
