«Анашым, мен сізді жақсы көремін» – Депутат Ардақ Назаров Мәжіліс отырысында анасын мерейтойымен құттықтады

Аcтана, NEGE. Депутат сауал жолдамас бұрын анасының 70 жас мерейтойымен құттықтағысы келетінін жеткізді.

«Менің анашымның бүгін туған күні еді, 70 жасқа толып отыр. Құттықтауға рұқсат етсеңіз! Қадірлі анашым, сізді туған күніңізбен шын жүректен құттықтаймын. Сіздің мейірімге толы жүрегіңізге және жүзіңізден төгілген нұрға бөленіп өстім. Анашым, әкетайым екеуіңіз құстың қос қанатындай мәңгі бірге болып, Құдай бере салған немерелеріңіздің қызығын көріңіздер. Анашым мен сізді қатты жақсы көремін. Сіздің алдыңызда басымды иемін. Баршаңыздың аналарыңыз аман болсын», – деді Ардақ Назаров.

Мәжіліс спикері Ерлан Қошанов та депутаттың анасын құттықтап, Анаңызға біздің де құттықтауымызды жеткізіңіз деді.