Спорт
Анарбеков – Чемпиондар лигасының үздік үштігінде
Қазақстан құрамасының және алматылық «Қайраттың» қақпашысы Темірлан Анарбеков Чемпиондар лигасының жалпы кезеңіндегі сейвтер саны бойынша үздік үштікке кірді.
Астана, NEGE. Үшінші орынды Темірлан Анарбеков «Олимпик Марсель» клубының қақпашысы Херонимо Рульимен бөліскен.
Көш басында норвегиялық «Будё-Глимт» клубының қақпашысы Никита Хайкин тұрса, одан кейінгі орынды 41 сейвпен мадридтік «Реалдың» қақпашысы Тибо Куртуа иеленген.
22 жастағы Темірлан Анарбеков УЕФА-ның ресми рейтингіне Чемпиондар лигасының алты матчында 36 сейв жасап, рейтингке енді. Жарақатына байланысты «Реал Мадрид» пен «Спортингке» қарсы өткен екі матчқа қатыса алмаған еді.
Сондай-ақ УЕФА Анарбековті ең мықты 20 ойыншының қатарына қосты.
Бұған қоса «Қайрат» қақпашысы Чемпиондар лигасында матчтың үздік ойыншысы атанған алғашқы қазақстандық футболшы ретінде танылды. Ол «Қайрат» пен «Олимпиакос» арасындағы ойында шеберлігін паш етіп, матчтың үздік ойыншысы атанды.