Аммофос өндірісі бір миллион тоннаға дейін артады
"Қазфосфат" 10:46 маркалы аммофос өндірісін жылына қосымша бір миллион тоннаға дейін ұлғайтуды жоспарлап отыр, деп хабарлады Қазақстанның индустрия және инфрақұрылымдық даму министрлігі.
Алматы, NEGE. «Қазіргі уақытта "Қазфосфат" ЖШС өз алдына 10:46 маркалы аммофос шығаруды жылына қосымша бір миллион тоннаға дейін ұлғайту міндетін қойып отыр», - делінген сәрсенбідегі хабарда.
Құжатқа сәйкес, бүгінгі таңда "Қазфосфат" - еліміздегі сары фосфор мен аммофос өндірісін жүргізетін жалғыз кәсіпорын. Еліміздің химия өнеркәсібінідегі өндіріс көрсеткішінің 30% астамы осы компанияға тиесілі.
Сондай-ақ, фосфорлы минералды тыңайтқыштар өндірісінің көлемі 2010 жылдан бастап 2019 жылға дейінгі кезеңде 76892 тоннадан 393 420 тоннаға дейін өсті.
Бүгінгі таңда өндірілетін өнімнің жалпы көлемінің 89 пайызы 27-ден астам елге экспортталады, олардың қатарында Еуропа, ТМД, Азия және Америка елдері бар, делінген хабарда.