Әміржан Абылай халықаралық байқауда бірінші орынға ие болды
Боржоми қаласында грузин фольклоры мен классикалық музыканы дамыту одағы «Гармония», Е.Микеладзе атындағы орталық музыка мектебі және Боржоми қалалық муниципалитеті ұйымдастырған «WORLD HARMONY» IV халықаралық байқауы өтті.
Алматы, NEGE. К. Байсейітованың «арнайы фортепиано» класы бойынша үшінші сынып оқушысы Әміржан Абылай аталған байқауда өнер көрсетіп, бірінші орынға ие болды.
Әміржан Абылай үш кезеңнен сәтті өтіп, финалда Моцарттың фортепианоға арналған концертін оркестрмен орындап шығып бірінші премия лауреаты атанды.
Айта кеткен жөн, бұл кішкентай пианистің өміріндегі алғашқы оркестрмен ойнаудағы тәжірибесі еді.
