AMANAT партиясының кезектен тыс съезі өтеді
AMANAT партиясының атқарушы хатшысы Елнұр Бейсенбаев 7 ақпан күні елордада саяси ұйымның кезектен тыс съезі өтетінін мәлімдеді.
Алматы, NEGE. «AMANAT партиясының кезектен тыс XXV съезі 7 ақпанда Астана қаласында өтеді. Тиісті Қаулыға бүгін партияның төрағасы Ерлан Қошанов қол қойды.
Съезд жұмысына еліміздің барлық аймағынан делегаттар қатысады. Осыған орай партияның Орталық аппараты өңірлік филиалдармен бірге дайындық жұмысын бастады», - деп жазды Е.Бейсенбаев әлеуметтік желідегі парақшасына.