Алтыншы қола: Санаев болгариялық балуанды қапы қалдырды
Олимпиаданың алтыншы жүлдесі ел қоржынына түсті.
Алматы, NEGE. Токио Олимпиадасында еркін күрестен 57 келіге дейінгі салмақтағы қола медаль үшін кездесулер басталды. Қазақстандық Нұрислам Санаев қола жүлдегер атанды деп жазады Olympic.kz.
Ол кіші финалда болгариялық Георгий Вангеловті 5:1 есебімен ұтты.
Қазақстандық балуан жартылай финалда Үндістан балуаны Рави Кумарға есе жіберген еді. Қола медаль үшін күресте Санаев намысты қолдан бермеді.
