Алтын орда базарының маңындағы жол қыркүйек айында ашылады
«Алтын орда» базары маңындағы Алматы-Бішкек учаскесінде жолды кеңейту бойынша күрделі жөндеу жұмысы аяқталуға жақын. Бүгінгі таңда барлық жұмыстың 90 пайызы орындалды, деп хабарлайды ҚазАқпарат.
Алматы, NEGE. «Бүгінгі таңда барлық жұмыстардың 90%-ға жуығы орындалды. Келісімшарт бойынша бұл жоба 1 қарашада аяқталуы тиіс. Бірақ біз жұмысты күшейттік. Бас мердігер қазір қыркүйекте негізгі тас жолды аяқтау және көлік қозғалысын ашу үшін барлық қажетті резервтерді қосуда», - деп жазды Facebook – тегі парақшасында «ҚазАвтоЖол» ұлттық компаниясының басқарма төрағасы Мейірхат Қасымбаев.
Бұған дейін «ҚазАвтоЖол» ұлттық компаниясының баспасөз қызметі «Алтын орда» базары маңындағы Алматы-Бішкек учаскесінде жолды кеңейту бойынша күрделі жөндеу жұмысы аяқталуға жақын екенін мәлім еткен болатын.