Almaty және Halyk Arena спорт кешенінен науқастарға орын дайындалады
Алматы қаласында коронавирус жұқтырғандар саны көбейіп барады. Ауруханада орын тапшылығы мәселесі туындап отыр. Осыған орай, Алматы қаласы Қоғамдық денсаулық сақтау басқармасы спорт кешендерінен науқастарды емдейтін орын дайындамақ.
Алматы, NEGE. Алматы қалалық Қоғамдық денсаулық сақтау басқармасының мәліметінше, Almaty Arena және Halyk Arena спорт кешенінде коронавирусқа шалдыққандарды емдеу үшін арнайы орын дайындалады.
Стационарлық ауруханаға түсіп жатқандар санының көптігіне байланысты қалада науқас жататын орын қалмаған. Алматы қалалық Қоғамдық денсаулық сақтау басқармасының басшысы Камалжан Надыровтың айтуынша, провизорлық стационар 90 пайыз толған. «Ал инфекциялық орындар 95 пайызға толық. Сондықтан Halyk Arenа аясында 500 орын ашуды қарастырып жатырмыз. Мұнымен қоса, Теміржол ауруханасы АҚ-нан 150 орын дайындау қарастырылуда. Нәтижесінде қазір бар 1940 орынға қосымша 650 орын ашылады. Егер жағдай ушықса, Halyk Arenа спорт кешенінен тағы 300 орын ашамыз» деді Қоғамдық
