Алматының үздік тауары: жеңімпаздар анықталды
Алматыда 29-31 шілде өткен «Қазақстанның үздік тауары» өңірлік көрме-байқауының жеңімпаздары анықталды. Қатысуға 100-ге жуық алматылық компания өтінім берді.
Алматы, NEGE. Осы үш күн ішінде қала қонақтары көрмені тамашалады, жергілікті өндірушілердің тауарларымен танысты. Себебі, өндірушілер көрменің тегін алаңында өнімдерін қойып, таныстырды, іскерлік байланыстарын кеңейтті, ынтымақтастық туралы уағдаласып, келісімшарттар жасады.
Көрме-байқаудың салтанатты рәсіміне Алматы қаласы әкімдігі, мемлекеттік органдар, елшіліктер мен консулдықтардың өкілдері, қоғам қайраткерлері, кәсіпкерлер қатысты.
«Қазақстанның үздік тауары» көрме-байқауы сияқты алаңдар даму, жетілу, танылу үшін жақсы мүмкіндік береді. Компания байқауға қатысу арқылы ілгерілеудің жаңа кезеңіне шығады. Байқау талаптарына қарай сапа стандарттарына сәйкестігін растайды, өз өнімін отандық тауар өндірушілердің үлкен көрмесінде ұсынуға мүмкіндік алады. Көрмеге қойылған тауарлардың барлығы Алматыда шығарылады деп ауыз толтырып айтуға болады. Шараға қатысқан барлық компанияға алғыс білдіргім келеді, жеңімпаздарға сәттілік тілеймін», – деді Алматы қаласы кәсіпкерлер палатасының директоры Айтуар Қошмамбетов.
Өңірлік кәсіпкерлер палатасы директорының айтуынша, 2022 жылғы қаңтар-наурызда өткен жылдың тиісті кезеңімен салыстырғанда өнім шығару (салыстырмалы бағаларда) 28,5%-ға ұлғайды, жұмыспен қамтылғандар саны 17,4%-ға өсті және жұмыс істеп тұрған субъектілердің саны 2022 жылғы 1 сәуірде 10,6%-ға өсті.
«Біз сіздердің арқаларыңызда үш күндік мерекені өткіздік. Өндіріс дамып, сапа жақсаруда, бәсекелестік өсіп, қаламыздың экономикасы дамып жатыр. Алматыда 2022 жылғы қаңтар-наурызда шағын және орта кәсіпкерлік субъектілерінің өнім шығаруы 2854,6 млрд теңгені құрады. Байқауға қатысқан әр өндіруші компания жеңімпаз болуға лайықты. Дегенмен, байқаудың аты байқау, елордада оңтүстік астананың намысын қорғайтын үздік компанияларды анықтадық. Барлық қатысушыға алғыс білдіремін! Кәсіпкерлік жолында табыс, сәттілік, береке тілегім келеді», – деді Алматы қаласы әкімінің орынбасары Әлішер Әбдіқадыров.
Алматылық компаниялар «Өндірістік мақсаттағы үздік тауарлар», «Халыққа арналған үздік тауарлар», «Үздік азық-түлік тауарлары» номинациялары бойынша бақ сынады. Әр номинацияда үш жеңімпаз анықталды.
«Халыққа арналған үздік тауарлар» номинациясының жеңімпаздары:
«Семирамида тігін фабрикасы» ЖШС. Компания 1997 жылдан бері қазақстандық киім өндіруші болып қызмет етеді. Дәрілік, дезинфекциялық, антисептикалық құралдар, тұрмыстық химия, клинингке, ауыл шаруашылығы мен құс шаруашылығына арналған кәсіби химия заттарын өндіретін «Microhim» ЖШС иеленді.
«CRS» ЖШС. Aura of Kazakhstan тұңғыш қазақстандық парфюмерлік бренді туған жерге, оның табиғаты мен тарихына деген сүйіспеншіліктен туған.
«Үздік азық-түлік тауарлары» номинациясының жеңімпаздары:
«ОБИС» ЖШС жеңіп алды. Алкогольсіз сусындар өндіретін Алматы компаниясының тарихы 1995 жылдың сәуірінен басталды. «Серебреная» брендімен күміс иондарымен байытылған су тереңдігі 230 метрден асатын жеке артезиан ұңғымасынан алынады.
«Ұлт дәмі» брендімен шығарылған ұлттық өнім өндіруші «Р.Б. Молдасанова» жеке кәсіпкерлігіне берілді. «Молдасанова Р.Б.» ЖК өз қызметін 2006 жылы бастады. Бүгінгі таңда фирма ұлттық тәттілерді шығарады: «Ұлт дәмі» брендімен шоколад қосылған жент, құрт, талқан, сондай-ақ ұлттық асахана мейрамханасын жүргізіп, кейтеринг қызметтерін көрсетеді. Ассортиментте 200-ден астам атау бар.
«Куликовский Қазақстан» ЖШС иеленді. «Күлгін» түсті үлкен және тату отбасы Қазақстан нарығында 2016 жылдан бастап жұмыс істейді. Компания табиғи өнімдерден торттар, пирожныйлар және тәттілер жасайды.
«Ақнұр Кабель» ЖШС. 2007 жылдан бастап зауыт кабель өнімдерін шығара бастады. Қазіргі уақытта «Ақнұр Кабель» кабельдің 1000-нан астам түрін өндіреді.
«KazTigerTap» ЖШС. «KazTigerTape» компаниясы – қаптама материалдарының ірі өндірушілерінің бірі. Алматыда өндіріс 2010 жылдың қаңтарынан бастап іске қосылды. Фирма стрейч пленка үшін қолмен және автоматты тарту, буып-түю скотчтың (өзі жабысатын үлбір), (жабысқақ үлбір) барлық түрлерін шығарады.
«Med365» ЖШС. Компания медициналық тексерулердің автоматтандырылған жүйесін шығарады. Командада бизнесте, денсаулық сақтауда және қауіпсіздік мәселелерінде табысты қолданылатын жасанды интеллект әзірлемелерімен айналысатын инженер-әзірлеушілер жұмыс істейді.
Сондай-ақ, Алматы қаласы кәсіпкерлер палатасының Өңірлік кеңесінің дипломанттары анықталды: Өндірістік мақсаттағы үздік тауарлар «Асфальтобетон 1» ЖШС-на берілді. Халыққа арналған үздік тауарлар – «HOMMES» ЖШС берілді. Үздік азық-түлік тауарлары номинациясын ЖК «Султанова А. И.» Дана Есееваның оқу орталығы алды.
Байқау-көрменің салтанатты бөлімінен кейін ұйымдастырушылар қонақтар арасында өндірушілерден 100-ден астам бағалы сыйлық ұтысы ұйымдастырылды.
