Алматының Шәріпов көшесінде жарылған жылу құбыры қалпына келтірілді
11 қараша күні Алматыдағы Шәріпов көшесінде (Шәріпов пен Гоголь көшелерінің қиылысының солтүстігінде) болған жылу трассасындағы апаттың салдары жойылды.
Алматы, NEGE. Алматы қаласының энергетика және сумен жабдықтау басқармасы "Алматы жылу желілері" ЖШС бригадасы диаметрі 400 мм құбырды қалпына келтіруді аяқтағанын мәлімдеді.
Сондай-ақ сынақ жүргізілгеннен кейін жылу магистралі пайдалануға берілді және түнгі сағат 2.40-та жылу беру қалпына келтірілді әрі белгіленген режимде жұмыс істеп тұр.
Шәріпов көшесіндегі көлік қозғалысы да қалпына келтірілді.
Асфальттың жабындысын ауа райы қолайлы болған жағдайда ағымдағы жылдың 13 қарашасына дейін қалпына келтіру жоспарланды.