Алматының жас таланттары «Тәуелсіздік ұрпақтары» грантына ие болды
Алматы жастарының 13 жобасы 1 миллион теңгеден қолдау алды.
Алматы, NEGE. Алматыда қаланың Жастар саясаты басқармасының қолдауымен ұйымдастырылған «Тәуелсіздік ұрпақтары» грантының лауреаттарын марапаттау рәсімі өтті.
150 өтінімнің ішінен алты бағыт бойынша 13 жеңімпазға гранттар табысталды: ғылым, мәдениет, IT, бизнес, медиа және еріктілік қызмет. Әрқайсысына жобаларын жүзеге асыру үшін 1 миллион теңгеден берілді.
Басқарма өкілі Нұрсұлтан Бекқайыров атап өткендей, бұл гранттар талантты жастарға идеясын дамытуға және елдің дамуына үлес қосуға мүмкіндік беру мақсатында Президент тапсырмасы бойынша тағайындалған.
Жобаның негізгі мақсаты – жастардың бастамасын қолдау, сондай-ақ патриотизм мен Отанға деген сүйіспеншілікке тәрбиелеу.
Салтанатты рәсімге қоғам қайраткерлері, үкіметтік емес ұйымдардың өкілдері және қала белсенді жастары қатысты.