Алматыда 45 мың камера бірыңғай бейнемониторинг жүйесіне қосылды
Алматыда «Бірыңғай бейнемониторинг жүйесі» (ББЖ) жобасын жүзеге асыру жалғасып келеді. Бұл туралы қаланың цифрландыру басқармасы мен Алматы әкімдігінің жобалық кеңсесі хабарлады.
Алматы, NEGE. ББЖ жобасының негізгі міндеті – қаладағы барлық бейнебақылау камераларын бір платформаға біріктіріп, түрлі тапсырмаларға арналған бейнелерді бірнеше мәрте пайдалану және нақты уақыт режимінде талдау.
Бейне талдау түтінді, отты, заттарды, табиғи және техногендік сипаттағы төтенше оқиғаларды, киімді, бет-әлпетті тану және т.б. сипатта жүргізіледі.
Қазіргі уақытта 603 мемлекеттік және 906 жеке нысанды ББЖ-ға қосу жұмыстары жүргізілуде.
Бүгінде Бірыңғай бейнемониторинг жүйесіне 45 мың бейнекамера қосылған.
