Алматылықтардың мазасын алған тәжікстандық жасөспірімдер елден шығарылды
Алматы қаласында қоғамдық орындарда құқыққа қайшы әрекеттер жасаған шетел азаматтары сот шешімімен Қазақстан аумағынан шығарылды. Бұл туралы қалалық полиция департаменті хабарлады.
Алматы, NEGE. Ведомство мәліметінше, сот қаулысымен аталған азаматтарға елге қайта кіруге тыйым салынып, мәжбүрлі түрде шығару туралы шешім қабылданған.
Полицияның хабарлауынша, бұған дейін әлеуметтік желілерді мониторингтеу барысында кәмелетке толмағандарға қатысты агрессивті әрі әдепсіз мінез-құлық көрсетілген бейнежазбалар анықталған.
Жедел шаралардың нәтижесінде жасөспірімдер анықталып, кәмелетке толмағандарды бейімдеу орталығына орналастырылды. Ал олардың заңды өкілдері балаларды тәрбиелеу міндеттерін тиісінше орындамағаны үшін әкімшілік жауапкершілікке тартылды.
Қалалық полиция департаменті қоғамдық тәртіпті қамтамасыз ету бағытындағы жұмыстар жалғасатынын атап өтті.
Қазір оқып жатыр
«Жасанды тыныс алу аппараты болмаған»: Қарағандыда бүлдіршіннің өліміне қатысты тексеріс жүргізіледі
Алматының Әл-Фараби даңғылында жарыс ұйымдастырған жүргізушілер жауапқа тартылды
Астанада Умраға жоқ жолдаманы сатып, 17 қажыны алдаған алаяқ сотталды
Астанадағы өрт салдарынан қаза тапқан 3 баланың анасы есін жиды
