Алматылықтар Нұрәлі Әлиевпен бірге таңғы ас ішіп, суға түсе алады
Алматы тұрғындары мен қала қонақтары Қазақстанның бұрынғы президенті Нұрсұлтан Назарбаевтың жиені Нұрәлі Әлиевпен бірге Горельник шатқалына барып, таңғы ас іше алады.
Астана, NEGE. Кездесу 25 ақпанға жоспарланған. Қатысушылар шатқалға жиналып, таңғы жаттығу жасайды. Одан кейін суға түсіп, таңғы ас ішіп, өзара танысады. Қатысу тегін.
Барғысы келгендер алдын ала сауалнама толтыруы керек. Онда жұмыс орны мен лауазымы көрсетіледі.
Кездесуді SM's 5 AM Club бірлестігі ұйымдастырып отыр. Бұл – күн сайын ерте тұрып, белсенді өмір салтын ұстанатын адамдарды біріктіретін қауымдастық.
Жуырда миллионер Нұрәлі Әлиев адамзатқа «сана биігіне жетуге» көмектесетін жаңа қозғалыс құрып, елді таңғалдырған еді. Қазір ол өзін тек кәсіпкер ғана емес, рухани бағыт-бағдар беруші тұлға ретінде де танытып жүр. Нұрсұлтан Назарбаевтің жиені бұл өзгерісті жақын адамынан айырылғаннан кейінгі толғаныстарымен байланыстыратынын айтып түсіндірді.
Forbes журналы құрастырған Қазақстанның ең бай кәсіпкерлері тізімінде Нұрәлі Әлиев 39-орында тұр. Оның байлығы 289 миллион доллар деп бағаланған.
Қазір оқып жатыр
Тоқаев: Орталық Азия жаңа тарихындағы аса табысты кезеңді бастан өткеріп жатыр
Сербияда қазақ қызы жұмбақ жағдайда көз жұмды
Сайлауалды науқанның бірінші аптасы қалай өтті: сарапшылар «Әділет» партиясының әлеуетіне қандай баға берді
Еурокубок тек бедел емес: «Қайрат» пен «Тобылдың» жеңісі Қазақстанға не үшін қажет?
