Алматылықтар мобильді интернеттің бұғатталғанына шағымданды
Қазақстанда бірқатар мобильді байланыс операторларының абоненттері интернеттің дұрыс жұмыс істемей жатқанына жаппай шағымдана бастады.
Алматы, NEGE. Әсіресе, Алматы тұрғындары қала орталығына жақын кейбір аудандарда мобильді интернеттің істен шыққанын хабарлады.
Сонымен қатар пайдаланушылар мобильді интернет арқылы онлайн қызметтерге қосылу қиындық тудырғанын атап өтті.
Beeline call-орталығының тілшімізге берген жауабында Алматыда интернет ақауларға байланысты шектелген. Алайда нақты себебін ашып айтпады.
Threads қолданушыларының жазуынша, Kcell интернеттің «қауіпсіздік мақсатында» өшірілгенін түсіндірген.
Біз бұған дейін Алматыда Республика алаңының айналасында полиция күшейтілген режимде жұмыс істеп жатқанын, алаңда интернет бұғатталғанын жазған едік. Әл-Фараби көшесіне дейін интернет болмады. Алаңнан шығып, Абай көшесінің бойымен автобуспен өттік. Интернет Абай-Сайын қиылысынан өткеннен кейін ғана қосылды.
