Алматылық әйел балаларын Сайран көліне батырып өлтірмек болды
Адам нанғысыз оқиға туралы қоғам белсендісі Ақмарал Басирова хабарлаған болатын.
Алматы, NEGE. Оның айтуынша, балалардың ең кішісі 1,5 жаста.
Әйелдің балаларын суға батырып жатқанын сол маңдағы адамдар көріп қалған. Олар екі баланы да судан алып шықты.
Оқиға куәгерлері бүлдіршіндерді өлімнен аман алып қалды. Ақмарал Басированың мәліметінше, бұл Алматы тұрғынының кісі өлтіруге оқталған алғашқы әрекеті емес.
Осы ретте қоғам белсенділері қатыгез анаға қатысты іс қозғап, оны мәжбүрлеп емдеуге жіберуді талап етуде.
Алматы қалалық полиция департаменті бұл деректі қазір Әуезов аудандық полиция бөлімі тексеріп жатқанын хабарлады. Оқиғаның мән-жайы анықталуда.