Алматылық оқушылар робототехникадан өткен халықаралық чемпионатта жеңімпаз атанды
2024 жылдың 7-11 наурыз аралығында Алматы қаласының оқушылары Кипрдің Никосия қаласында өткен «FIRST Tech Challenge Cyprus 2024» халықаралық робототехника чемпионатына қатысты.
Алматы, NEGE. Турнир 25 команданы біріктірді: 18 жергілікті және 7 әлемнің түкпір-түкпірінен. Чемпионатқа Қазақстанның намысын қорғауға Алматы қаласынан «Sana team» командасы аттанған болатын.
10-11 сынып оқушыларынан құралған бұл командалардың құрамында: Білім Инновация Лицейінен – Тұрсынғали Әділ, Даулетқұл Арнар, Акипбек Осман, Дәулетұлы Алдияр, Смайл Дарын, Пахридин Аббас, Ыбрай Асылхан, Аширалин Илияс және М.Базарбаев атындағы №138 гимназиясынан – Аманкелді Шолпан бар. Нәтижесінде алматылық оқушылар «THINK AWARD» және «Winning Alliance AWARD» номинацияларын жеңіп, бірінші орыннан көрінді.
