Алматылық оқушылар робототехникадан Хьюстон мен Лондонға жолдама ұтып алды
Астанада өткен робототехника чемпионатына Қазақстанның әр өңірінен үш мыңнан астам оқушы және әлемнің түрлі елінен 200-ден астам команда қатысты.
Алматы, NEGE. Central Asia FIRST Tech Championship чемпионатының қорытындысы бойынша алматылық оқушылар жеңіске жетті.
«Team 124» командасы Лондонда өтетін халықаралық «UK first championship 2024» жарысына қатысуға жолдама ұтып алды.
№206 мектеп-гимназиясының оқушысы Оңғарбек Томирис АҚШ-тың Хьюстон қаласында өтетін «2024 FIRST Championship, Houston» жарысына қатысуға сертификат жеңіп алды.
Qazaq Style, Redstone, Sana team, ZOK Junoirs командалары және №140 гимназия құрамасы да түрлі номинацияда көзге түсті.
Сонымен қатар, Алматы мектептерінің түлектері еліміздің беделді жоғары оқу орындарының грант иесі атанды.