Алматы-Қорғас жолында екі адам көлікте өртеніп кетті (видео)
Алматы-Қорғас жолында екі адам көлікте жанып кетті.
Алматы, NEGE. Оқиға орнынан әлеуметтік желілерде видео тарады.
«2021 жылдың 3 маусымда сағат 17:59-да Алматы облысының ТЖД Еңбекшіқазақ ауданында «Алматы-Қорғас» автожолының 82 шақырымында жеңіл автокөліктің өртенгені туралы хабарлама келіп түсті. Шақыру орнына Алматы облысы ТЖД 4 қызметкері мен 1 техника шықты. Жақын жердегі өрт сөндіру бөлімінен қашықтық 45 км құрады.
Өрт орнында, автокөлік салонында 2 жолаушының жанып кеткен денесі табылды»,- деді Алматы облысы ТЖД баспасөз қызметінің хабарламасында.
Өрттің шығу себебі анықталуда. Аталған ведомство қызметінің өкілдері азаматтардан өрт қауіпсіздігі ережелерін сақтауды сұрайды.