Алматы-Қорғас тасжолында бетон плиталар көтеріліп жатыр
Алматы-Қорғас тасжолында бетон плиталар көтеріліп кеткені түсірілген видео әлеуметтік желіде тарады.
Алматы, NEGE. «ҚазАвтоЖол» 8 маусым күні Алматы-Қорғас тасжолының 190-шақырымында бетон плиталар көтеріліп кеткені туралы ақпаратты растады.
«8 маусым күні шамамен кешкі сағат 20:25-те оңтүстік бағыттағы жолдың 190-шы шақырымында жолдың жүру бөлігінде цемент-бетон жабыны көтеріліп кетті. Бүгінгі күні жоғарыда аталған олқылықты жою жұмыстары аяқталды. Көліктердің қауіпсіз қозғалуы қамтамасыз етілді», - деп жауап берді «ҚазАвтоЖол» АҚ баспасөз қызметі.