Алматыға Ресей премьер-министрі Михаил Мишустин келді
Мишустин Алматыға 2 ақпанда өтетін Еуразиялық экономикалық одақ елдерінің үкімет басшылары – Еуразиялық үкіметаралық кеңеске мүше мемлекеттердің басшылары қатысатын Еуразиялық үкіметаралық кеңестің отырысына қатысу үшін келді.
Алматы, NEGE. Михаил Мишустинді Премьер-Министрдің орынбасары Серік Жұманғарин, Сыртқы істер министрлігі өкілдігінің басшысы Бақытжан Бөлегенов, Қазақстанның Ресейдегі Төтенше және Өкілетті Елшісі Дәурен Абаев, Алматы қаласының әкімі Ерболат Досаев және Ресейдің Қазақстандағы Төтенше және Өкілетті Елшісі Алексей Бородавкин қарсы алды.
Ресей үкіметінің басшысы Digital Almaty 2024 халықаралық цифрлық форумының пленарлық отырысында сөз сөйлейді.
Сонымен қатар, Мишустиннің Қазақстан Премьер-Министрі Әлихан Смайыловпен және Қырғызстан Премьер-Министрі Ақылбек Жапаровпен келіссөздері жоспарланған.