Алматыдан Ақтауға ұшып бара жатқан Air Astana әуе компаниясының ұшағынан техникалық ақау анықталды
Алматыдан Ақтауға ұшып шыққан ұшақ шұғыл қонуға мәжбүр болды.
Алматы, NEGE. Әлеуметтік желіде ұшақ ішінде болған жағдайдың видеосы тарады. Жолаушылардың айтуынша, ұшақ әуеге көтерілгеннен кейін 30-40 минут өткенде ұшақ төмендей бастаған.
«31 тамызда Алматы-Ақтау бағытына шыққан КС 859 рейсінің экипажы Ақтауға жете бере, техникалық ақау туралы хабар беріп, нұсқаулыққа сай бірінші болып қонуға рұқсат сұрады. Осыдан кейін ол қауіпсіз эшелонының көмегімен Ақтау әуежайына аман қонды», — делінген әуе компаниясының хабарламасында.
Қазір ұшақтағы ақау неден шыққаны тексеріліп жатыр. Аталған рейстің бүкіл жолаушысы басқа әуе кемесіне ауыстырылды.
