Алматыдан 500 шақырым жерде жер сілкінісі тіркелді
2025 жылғы 6 мамырда қазақстандық сейсмологтар 5.3 баллдық жер сілкінісін тіркеді.
Алматы, NEGE. Қазақстанның сейсмологиялық бақылаулар мен зерттеулердің ұлттық ғылыми орталығы сейсмикалық станциялар желісімен Астана уақытымен сағат 13:08-де Алматы қаласынан оңтүстік-батысқа қарай 544 км жерде Тәжікстан аумағында орналасқан жер сілкінісі тіркелгені туралы ақпаратты жариялады.
Қазақстандық ұлттық деректер орталығының мәліметінше, ошақ Тәжікстан мен Қырғызстан шекарасында орналасқан. Mb = 5.3 магнитудасы, K = 12 энергетикалық класы. Қазақстанда дүмпулер сезілмеді.
