Алматыдағы Президент резиденциясының не себепті сүрілетіні белгілі болды
Президент Іс басқармасы Алматыдағы Президенттің қызметтік резиденциясы неге сүрілетінін түсіндірді.
Алматы, NEGE. Ведомство баспасөз қызметінің мәліметінше, сарапшылар резиденция ғимаратының пайдалануға жарамдылығы шектеулі деген қорытынды жасаған.
«Қаңтар оқиғасы кезінде бұзақылар мен лаңкестер нысанды өртеген. Өрт пен өте жоғары температура салдарынан ғимараттың барлық жүк көтергіш құрылымы мен шатырдың негізгі металл элементтері зақымданған. Нысанның сақталып қалған бөлігіндегі ыстың иісін толығымен жою мүмкін емес. Оның үстіне бүгінде нысанның кейбір құрылымдық элементтері қолданыстағы құрылыс нормалары мен ережелеріне сәйкес келмейді. Ғимараттың негізгі құрылымдарын қалпына келтіру және оның сейсмикалық нығайтылуына орасан зор күрделі салымдар қажет», – деді ПІБ өкілдері.