Алматыдағы Оқушылар сарайында робототехника үйірмелері ашылды
Оқушылар сарайында робототехника және басқа да үйірмелер ашылды, деп хабарлады Алматы қаласының әкімдігі.
Алматы, NEGE. Қала оқушылары үшін зымыран жасау орталығы мен аэроорталық, планетарий, VR және дрондарды басқару зертханасы, физика, химия, биология және гидропоника бойынша ғылыми зертханалар, робот жасау, IT бағдарламалау үйірмелері ашылды. Бұған қоса, спорттық, көркемдік, әлеуметтік-педагогикалық бағыттағы жаңа үйірмелер де іске қосылды.
Қазір онда аптасына 15 мыңнан астам алматылық оқушы білім ала алады, бұл Оқушылар сарайының модернизациядан кейінгі жобалық қуаты.
Айта кетерлігі, Оқушылар сарайы 1983 жылы салынған тарихи маңызы бар сәулет нысаны. Аумағы 35 мың шаршы метрден асады.