Алматыдағы құрылыс алаңында жұмысшы мерт болды
Алматыдағы құрылыс алаңында жұмысшы қаза тапты. Полиция тексеріп жатыр.
Алматы, NEGE. Қайғылы оқиға туралы ақпарат әлеуметтік желіде пайда болды. Алматы Қалалық Полиция департаменті жұмысшының өліміне қатысты қылмыстық кодекстің 156-бабы «Еңбекті қорғау ережелерін бұзу» бойынша сотқа дейінгі тергеу басталғанын хабарлады. Сот-медициналық сараптама тағайындалды. «Тергеу шаралары мен сараптамалық зерттеулер кешені өткізіледі, оның нәтижелері бойынша іске процестік шешім қабылданады», - деді Алматы қалалық полиция департаментінің ресми өкілі Салтанат Әзірбек.
