Алматыдағы автобус апаты: Жүргізушілердің бірі қамауға алынды
Алматыда соқтығысқан екі автобустың бірінің жүргізушісі қамауға алынды.
Алматы, NEGE. Мамандандырылған ауданаралық тергеу соты мәліметінше, жүргізуші екі айға қамауға алынған.
"11 қарашада сот шешімі бойынша, күдіктіні екі айға, яғни 2023 жылдың 9 қаңтарына дейін қамауға алу мерзімін санкциялау туралы өтінішхат қанағаттандырылды", - деді Алматы қалалық сотының баспасөз қызметі өкілдері.
Нақтырақ айтсақ, 98-маршрутты жүргізген 35 жастағы ер адам қамалды.
Тергеу мәліметтері бойынша, ол (Абылай хан көшесінің бойымен) бағдаршамның тыйым салынған белгісінен өтіп, көше қиылысындағы (Төле бимен) 201-маршрутқа соқтығысқан.