Алматыдағы атыста 5 адам қаза болған үй кімде қалады?
Алматылық Игорь Дужнов бес адамды атып өлтіруіне себеп болған үйдің кімге берілетіні белгілі болды, деп хабарлайды Жетінші арнаның "Студия 7" жобасы.
Алматы, NEGE. Сот орындаушыларының айтуынша, ешкім әлі үйден адамдарды шығару туралы шешімін өзгерткен жоқ. Сондықтан бұл құжат әлі де қаралып жатыр. 20 қыркүйекте болған қайғылы жағдайға байланысты іс басқа сот орындаушысына берілді.
"Жаңа сот орындаушысы бәрін жалғастырады, яғни іс жүргізу жалғаса береді. Бірақ біз заңды мирасқор келгенше күтеміз, бұл талап қоюшының, яғни марқұмның жақын туыстары", - деді Алматы қаласы жеке сот орындаушылар палатасы басшысы орынбасары Руслан Исаев.
Басылымның мәліметінше, тұтқындалған Игорь Дужновтың отбасы сол үйде тұрады. Қыстың басталуына орай көшіру кейінге қалдырылатыны айтылды, өйткені суық мезгілде адамдарды үйден шығару заңда рұқсат етілмеген.
