Алматыдағы 5 млрд теңгеге салынған аурухана алғашқы аязды көтере алмады ма?
Алматыда сәуір айында пайдалануға берілген жұқпалы модульды аурухана алғашқы аязды көтере алмады. Оған 5 млрд теңге жұмсалған еді.
Алматы, NEGE. Мәліметтерге сенсек, медициналық мекеме басқа жерге ауыстырылады. Жұқпалы модульды аурухана 280 орынға арналған. Оның 28-і интенсивтік терапия бөлімі. Жалпы көлемі – 5850 шаршы метр. Аурухана індет өршіп тұрған бірінші толқын кезінде, яғни сәуір айында пайдалануға берілген еді. Оның құрылысына 5 млрд теңге жұмсалды. Енді қала билігіне мұндағы барлық науқастарды, қымбат медициналық құрал-жабдықтарды ауыстыру керек.
Айта кету керек, BI Group компаниясы салған модулды аурухана 18 күн ішінде пайдалануға берілді. Құрылыс компаниясы емдеу мекемесі барлық халықаралық талапқа жауап береді деген болатын.
