9 Желтоқсан 13:25
...
Алматыдағы Mega сауда орталығында адамдар эвакуацияланды
Mege сауда орталығына жарылғыш зат қойылғаны туралы хабарлама келіп түскен, деп хабарлады Алматы полициясы.
Алматы, NEGE. Ақпарат түскен бойда қаланың барлық жедел-қызметтік бөлімшелері шұғыл жұмысқа кіріскен. Азаматтардың қауіпсіздігін қамтамасыз ету мақсатында тұрғындар мен қызметкерлер сауда орталығынан эвакуацияланды.
Арнайы мамандар комиссиялық тексеру жүргізіп, жарылғыш құрылғыларды анықтамаған. Сауда орталығы қалыпты режимде жұмыс істеп тұр.
Ал, полиция қызметкерлері жалған хабарлама таратқан тұлғаны анықтауға кірісті. Ол Қазақстан Республикасының заңнамасына сәйкес жауапкершілікке тартылады.
