Алматыдағы қонақүйлердің бірінен өрт шықты
Бұл туралы Төтенше жағдайлар министрлігі хабарлады.
Алматы, NEGE. Бүгін 112 пультіне Алматы қаласы Медеу ауданы Бөгенбай батыр көшесінде орналасқан қонақ үйлердің бірінде өрт болып жатқаны туралы хабарлама келіп түсті.
Өрт сөндірушілер келгеннен кейін, түтіннің 3 қабатты қонақ үйдің жертөлесінде шыққанын анықтады. Қонақ үй қызметкерлері келушілерді үй-жайдан шығарып үлгерді. Өрт ошағын анықтау үшін барлау жүргізіліп, өрт сөндіру оқпандары енгізілді.
Қабылданған шаралармен 8 ш.м. бу бөлмесіндегі өртті құтқарушылар келген сәттен бастап 16 минут ішінде оқшауландырып, содан кейін толық сөндірді. Өрт орнында келушілерге жылыту пункті ұйымдастырылды.
Естеріңізге сала кетсек, бұл ақпаратқа дейін ТЖМ құтқарушылары Ертіс жағасынан жасөспірімдерді құтқарғаны туралы жазған болатынбыз.