Алматыда жоғары сынып оқушылары үшін оқу жылы қалай аяқталады?
Биылғы оқу жылы көктемнің соңғы күнінде аяқталады. 31 мамыр – соңғы сабақ, сол күні сынып сағаты өтеді.
Алматы, NEGE. Балалар мұғалімдермен бірге оқу жылын қорытындылап, жазғы демалысқа арналған жоспарын талқылайды. 1 маусым - балаларды қорғау күні – 4, 9 және 11 сыныптар үшін салтанатты іс-шара өтіп, түлектер үшін соңғы қоңырау соғылады.
Осы оқу жылында Алматыда 28 мыңнан астам оқушы 9-сыныпты және 14 мыңнан астам түлек 11 сыныпты бітіреді. Оқу жылы мамырда аяқталса да, орта мектеп үшін ең маңызды ай дәстүрлі түрде маусым айы болады.
Алғашқы онкүндікте 9-сынып түлектері қорытынды емтихан тапсырады, ал 5-19 маусым аралығында 11-сынып оқушылары бағын сынайды. Маусымның үшінші онкүндігінде түлектерге аттестат беріледі.