Алматыда жоғалған мектеп оқушысы табылды
Алматыда жоғалған 14 жастағы жасөспірім аман-есен табылды, деп хабарлайды Алматы қалалық Полиция департаментінің баспасөз қызметі.
Алматы, NEGE. Биылғы жылдың 20 ақпаны күні жоғалды деп жарияланған Күнту Шерхан қазір ата-анасының жанында.
«Абырой болғанда бала дін аман, түнде ата-анасына тапсырылды. Полиция оны қаланың төменгі бөлігінен тапты. Алматы қалалық Полиция департаментінің басшылығы атынан іздеу жұмыстарына атсалысқаны және бірлескен әрекеттері үшін волонтерларға алғыс айтады. Күнту Шерханды іздеу жұмыстарына барлығы 150 адам қатысты. Олардың ішінде полиция қызметкерлерінен басқа мектеп ұстаздары мен волонтерлар бар. Біз жасөспірімнің аман-есен табылатынына сендік. Оның неліктен үйінен кетіп қалу себебі әлі нақтыланып жатыр»,-деді Алматы қалалық ПД жергілікті полиция қызметі басқармасының ювеналды полиция бөлімінің бастығы Ләйлә Әліпбаева.
Қазір оқып жатыр
Сот «Шымбұлақ» шатқалына көліктің кіруін шектеу Конституцияға қайшы екенін анықтады
«Қазақмыс» жұмысшыларының талабын арнайы комиссия қарайтын болды
Тоқаев пара беруге уәде еткендерді де қылмыстық жауапқа тартуды көздейтін заңға қол қойды
Маңғыстау облысында жұмыссыздар саны артып барады: сарапшылар не дейді?
