Алматыда жезөкшелікпен айналысқан 484 әйел ұсталды

Алматы, NEGE. Полиция мәліметінше, рейд жүргізу барысында бірнеше жезөкшелер үйі анықталған. Жезөкшелер үйінің бірі Алматыдағы Тынышбаев көшесіндегі пәтерлердің бірінде орналасқан.

«Жыл басынан бері осындай 15 орын анықталды, олардың иесі жезөкшелікпен айналысуға пәтер бергені үшін жауапкершілікке тартылды. Сондай-ақ, интим қызмет көрсеткен 484 әйелге әкімшілік шара қолданылды. Көпшілігі қиын жағдайына байланысты жезөкшелікпен айналысуға мәжбүр болғанын айтты», – дейді Түрксіб аудандық Полиция басқармасының бастығы Еркін Амантаев.

Ол полиция қызметкерлері күн сайын рейдтер жүргізетінін айтты. Айта кетейік, құқықбұзушылар арасында Қазақстан Республикасының көші-қон заңнамасын бұзған шетел азаматтары жиі кездеседі. Олар сот шешіміне сәйкес елден шығарылады.