Алматыда жас жігіттің мәйіті табылды
Алматыда тұрғын үй кешенінің бірінде жас жігіттің мәйіті табылды.
Алматы. NEGE. Қалалық полиция департаменті мәйіт бүгін кешкі уақытта Алматының Әуезов ауданындағы тұрғын үй кешенінің бірінен табылғанын хабарлады.
"2004 жылы туған азамат С.-ның мәйіті табылды. Сот-медициналық сараптама тағайындалды. Оның себебі мен мән-жайы ҚР Қылмыстық кодексінің 105-бабы (өзін-өзі өлтіруге итермелеу) бойынша басталған тергеу барысында анықталады", – деді Әуезов аудандық ІІБ бастығы, полиция подполковнигі Ұлан Әбілқайыр.