Алматыда жәрмеңке өтеді
Эпидемиологиялық жағдайдың жақсаруына және карантин шараларының жеңілдетілуіне байланысты кезең-кезеңімен демалыс күндері жәрмеңке өткізу туралы шешім қабылданды.
Алматы, NEGE. Бірінші кезеңде Бостандық («Қазақфильм» шағынауданы), Әуезов (Абай даңғылы – Өтеген батыр көшесі) және Алмалы (Гоголь – Масанчи көшесі) аудандарының ауыш шаруашылығы жәрмеңкелері қызметін қайта бастайды.
Олар өз жұмысын осы демалыста – 19-20 қыркүйек күндері бастайды.
Қалған жәрмеңкелерді қайта ашу мәселесі қосымша қаралады. Барлық нысандар санитариялық-эпидемиологиялық талаптарды орындауы тиіс.
Халық маска тағып, әлеуметтік арақашықтықты сақтайды, жәрмеңкеде олар антисептикпен қамтамасыз етіліп, келушілер үшін термометрия жұмыс істейді.