Алматыда вирусты жұқтыру қаупі жоғары топқа кіретіндерді тестілеу басталды
Алматыда вирусты жұқтыру қаупі жоғары топқа кіретін барлық адамдарды жаппай коронавирус инфекциясына ПТР әдісімен тексеру және экспресс-тестілеу қолға алынды.
Алматы, NEGE. Бұл әскери қызметшілер, полиция қызметкерлері, дәрігерлер, еріктілер, жүк, жолаушылар тасымалдайтын, ТЖ көлігінің жүргізушілері, ірі нысандарда жұмыс істейтін құрылысшылар, интернат қызметкерлері және т.б. азаматтардан тұратын шамамен 193 мың қызметкер. Мемлекеттік комиссияның шұғыл штабының хабарлауынша, қазіргі уақытта қалада күшейтілген карантин жағдайында 210 мыңға жуық жұмыс орнын қамтамасыз еткен кәсіпорындар мен ұйымдар жұмыс істеп жатыр, бұл экономикада жұмыспен қамтылғандардың 17%-ын құрайды.