Алматыда Үлкен Алматы айналма жолынан арбаға салынған сәби табылды (видео)
Алматыда Үлкен Алматы айналма жолының маңынан сәби табылды. Бала арбаның ішінде жатқан.
Алматы, NEGE. Табылған баланың видеосы TikTok желісінде жарияланды.
"Кішкентай баланы далаға тастап кетіпті. Жұмыстан үйге жаяу келе жатқанбыз. Жүргенімізге 40 минут, тіпті бір сағаттай болды. Сәби әлі жыламады, күлімсіреп жатыр, Құжат жоқ, ештеңе жоқ. Үш-төрт айлық болуы керек", - дейді видео авторы.
Алматы облысының Полиция департаментіне 15 мамыр күні сағат 10:08 шамасында Үлкен Алматы айналма жолынан 5 шақырым жерде кәмелетке толмаған бала табылғаны туралы хабар түскен.
Аталған дерек Қарасай аудандық полиция басқармасында тіркелді. Баланың анасы табылып, ҚР ӘҚБтК 127-бабының 1-бөлігі бойынша әкімшілік хаттама толтырылған.