Алматыда Украинаны қолдау митингісі өтті
Алматыдағы Сарыарқа кинотеатрының артындағы алаңда Украинаны қолдау митингі өтті.
Алматы, NEGE. Қолдарына «Біз соғысқа қарсымыз», «Соғысқа жол жоқ!», «Украина жасасын!» деген лозунг ұстаған қала тұрғындары өз ұстанымын білдірді. Шамамен 2 мың адам жиналды. Жиналғандардың жасы әртүрлі. Негізінен жастар басым. Қатысушылар украин тілінде ән айтты.
«Соғысқа қарсы және Ресейдің озбырлығына қарсы әрбір қазақ, қазақстандық осында болуы тиіс. Бұл соғыс – Украинаға, Еуропаға ғана емес, бүкіл әлем үшін қауіпті. Сондықтан әр азамат өзінің азаматтық ұстанымын білдіруі керек», – деді қоғам қайраткері Ермұрат Бапи.
