21 Тамыз 15:52
...
Алматыда тоғызқұмалақтан Әлем чемпионаты өтеді
21-24 қыркүйек аралығында Алматы қаласында тоғызқұмалақтан Әлем чемпионаты өтеді. Оған әлемнің 20 астам мемлекет қатыспақ. Бұл туралы ОКҚ алаңында Алматы тоғызқұмалақ федерациясының президенті Әкім Тұрсұн хабарлады.
Алматы, NEGE. «Жарыста 15 және 17 жасқа дейінгі ұлдар мен қыздар рапид және блиц түрлері бойынша сайысқа түседі», - деді спикер ОКҚ алаңында.
Сонымен қатар Әкім Тұрсұн 9 қыркүйек - «Тоғызқұмалақ күні» деп бекітілігенін атап өтті. Осыған орай, осы күні рекордтар кітабына ену бойынша іс-шара өтеді. Үш мыңнан астам бала аспан астында тоғызқұмалақ ойнайды.
Сондай-ақ, еліміздің 20 аймақтық Федерациясының шешіміне сәйкес Алматы қаласы тоғызқұмалақ астанасы атанады.
