Алматыда театр және кино актері Сағи Әшімовтің құрметіне мемориалдық тақта ашылды
Алматыда театр және кино актері, Мемлекеттік сыйлықтың иегері Сағи Асанәліұлы Әшімовтің құрметіне мемориалдық тақта ашылды.
Алматы, NEGE. Ашылу салтанатына Алматы қаласы әкімінің орынбасары Арман Қырықбаев, Халық артистері мен Қазақстанның еңбек сіңірген өнер қайраткерлері қатысты.
Сағи Әшімов “Өз дәніңді өсір", "Мазасыз балалар", "Ойлануға бір ай" және т.б. 20-дан астам фильмге түскен. Ол әкесі Асанәлі Әшімовтің "Шоқан Уәлиханов" атты 4 сериялы фильмінде басты рөлді сомдады. Әшімов 1999 жылы "Тоғысқан тағдырлар" атты алғашқы қазақстандық сериалдың түсірілімі кезінде қайтыс болды.
Мемориалдық тақта Достық даңғылы, 40 (Қабанбай батыр көшесінің қиылысы) мекенжайында орнатылған.
