Алматыда Тәуелсіздік күніне орай қандай іс-шаралар өтеді?
Алматыда Қазақстан Тәуелсіздігінің 32 жылдығына орай түрлі іс-шаралар өтеді.
Алматы, NEGE. 15 желтоқсан күні сағат 11.00-де Дәстүрлі музыка мультимедиялық орталығында Желтоқсан оқиғасына қатысушылармен "Тәңір сыйы – Тәуелсіздік" атты кездесу ұйымдастырылады.
Бұл күні сағат 15.00-де Қонаев мұражайында "Тәуелсіздік – мәңгілік елдің тірегі" атты фотокөрме өтеді.
Сағат 15.00-де Алматы қаласының Орталық мемлекеттік мұрағатында "Тәуелсіздік – аппақ таным арайлы" атты тақырыпта дөңгелек үстел ұйымдастырылады.
Сағат 19.00-де Жамбыл атындағы Қазақ мемлекеттік филармониясында Т. Әбдірашев атындағы ҚР Мемлекеттік академиялық симфониялық оркестрінің концерті болады.
16-18 желтоқсан аралығында пауэрлифтинг пен стендтік пресс бойынша қала чемпионаты жоспарланған.
18 желтоқсанда сағат 15.00-де Alatau Creative Hub-та "Тәуелсіз елдің ұрпағы" зияткерлік ойыны өтеді.
