Алматыда тағы бір сарбаз қайтыс болды
Қайғылы жағдай 22 тамыз сағат 15.15-тер шамасында болды.
Алматы, NEGE. 2001 жылы туылған келісім шарт бойынша әскери қызметші Сабыров Абылай қайтыс болды.
- Қызметтік міндетін орындау кезінде келісім шарт бойынша әскери қызметші Алматы қаласында өзіне бекітілген тапаншамен өзін-өзі атып, алған жарақатының салдарынан қайтыс болды, - деп хабарлады ҚР Ұлттық ұланы «Оңтүстік» өңірлік қолбасшылығының баспасөз қызметі
Қазақстан Республикасы Қылмыстық-процестік кодексінің 201-бабына сәйкес өзге мәліметтер тергеу мүддесі үшін жария етілмейді.
Құқық қорғау органдары қажетті тергеу әрекеттерін жүргізіп жатыр. Болған оқиғаның себептері мен мән-жайларын анықтау үшін қызметтік тергеу тағайындалды