Алматыда Сейфуллин даңғылы уақытша жабылады
Жол жөндеу жұмыстарына байланысты 1 қыркүйек пен 3 қыркүйек аралығында Сейфуллин даңғылының кейбір бөлігі уақытша жабылады. Қалалық мобилділік басқармасы тұрғындарды бағытты алдын ала жоспарлауға шақырды.
Алматы, NEGE. Басқарманың хабарлауынша, Сейфуллин даңғылында жол жөндеу жұмыстарының жүргізілуіне байланысты 31 тамыз сағат 23:00 мен 1 қыркүйек сағат 7:00 аралығында Сәтбаев көшесінен Құрманғазы көшесіне дейінгі бөлігінде; 1 қыркүйек сағат 23:00 мен 2 қыркүйек сағат 07:00 Құрманғазы көшесінен Қабанбай Батыр көшесіне дейінгі бөлігінде; сондай-ақ 2 қыркүйек сағат 23:00 мен 3 қыркүйек сағат 07:00 аралығында Қабанбай батыр көшесінен Бөгенбай батыр көшесіне дейінгі бөлігінде көлік қозғалысы толық шектеледі.
"Бұл жұмыстар орташа жол жөндеу жұмыстары аясында жоспарланған", - деді Алматы қалалық мобилділік басқармасы.
Алматы қалалық мобилділік басқармасы қала тұрғындарынан қолайсыздық үшін кешірім өтініп, жол жүру бағытын алдын ала жоспарлауды сұрады.
