Алматыда саяси қуғын-сүргін мен ашаршылық құрбандарын еске алды
Алматы әкімі Ерболат Досаев саяси қуғын-сүргін құрбандарын еске алу күні 1931-33 жылдардағы ашаршылық құрбандарына арналған ескерткішке гүл шоқтарын қоюға қатысты.
Алматы, NEGE. Қарағайлы скверінде өткен іс-шараға қоғам қайраткерлері, қуғын-сүргінге ұшырағандардың туыстары мен жақындары, жастар ұйымдарының өкілдері және т.б. келді. Жиналысқа қатысушылар қуғын-сүргінге ұшырағандарды бір минут үнсіздікпен еске алып, мемориалға гүл шоқтарын қойды.
Жиналғандар қазіргі таңда тарихтың ақтаңдақ беттерін ұмытпау, Қазақстанның азаттығы үшін жанын қиғандарды айтып, олардың ұлықтаудың маңызды екенін атады.
Түрлі дерек бойынша өткен ғасырдың 30-шы жылдарының басында 3 млн-ға жуық қазақстандық жаппай ашаршылықтың құрбаны болды, 100 мыңнан астам адам қуғын-сүргінге ұшырап, 25 мыңнан астам адам атылды.
