31 Қаңтар 14:45
...
Алматыда салқын судың тарифі қымбаттайды
Алматыда 2023 жылы суық су тарифін көтеру жоспарланып отыр, деп хабарлады "Алматы су" кәсіпорнының бас директоры Ілияс Қазиев.
Алматы, NEGE. Салқын судың тарифі - ҚҚС қоса алғанда, азаматтар үшін 48 теңге.
"Қолданыстағы тариф жылына 25 шақырымға дейін желілерді қайта құруға мүмкіндік береді, бірақ іс жүзінде жылына 100 шақырымнан аса желі жаңғыртуды қажет етеді. Бұл қаражат тарифте қарастырылуы керек. Тариф өседі. Қазір есеп бойынша, заңдық база бойынша жұмыс жүргізіліп жатыр. Жыл бойы тарифтер өседі деп ойлаймын, егжей-тегжейін тұрғындарға хабарлаймыз", - деді "Алматы су" директоры Ілияс Қазиев.
"Алматы су" мемлекеттік коммуналдық кәсіпорнының ресми өкілі Серік Шағыров Алматыда кейінгі тоғыз жылда тарифтің жоғарыламағанын айтты.
