Алматыда салқын су болмайды
Алматы аумағының бір бөлігі уақытша салқын судан ажыратылады, деп хабарлады «Алматы су» МҚК баспасөз қызметі.
Алматы, NEGE. «Алматының Алмалы ауданында бірнеше сағатқа салқын су ажыратылады. 24 шілдеде сағат 9.00-17.00 дейін Алмалы ауданында Төле би-Әйтеке би-Байзақов-Амангелді көшелерінің қиылысында орналасқан тұрғын үйлер мен әкімшілік ғимараттар салқын судан уақытша ажыратылады», - делінген бейсенбіде таратылған хабарда.
Баспасөз қызметінде хабарлағандай, «осы қалалық сектордағы сумен жабдықтау желілерінің құрал-жабдығын ауыстыру үшін салқын сумен қамту қызметі шектелген». «Әлеуметтік сала нысандарына су тасымалданады», - деді коммуналшылар.
